Տարազ բառը նշանակում է ձև, նորաձևություն, զգեստ: Հայաստանի տարբեր շրջաններում հայերը կրել են տարբեր տարազներ: Հայկական տարազներում գույները համապատասխանում են բնության տարերքին՝ հող, ջուր, օդ, կրակ: Սև գույնը հողի խորհուրդն ուներ, կապույտը՝ ջուրը, սպիտակը՝ օդը, կարմիրը և հրեղեն դեղինը կամ ծիրանագույնը՝ կրակը: Տարազների հետ կրում էին նաև ոսկե կամ արծաթե գոտի, ճակատակալի կոպեկներ, ապարանջան և մանյակ: Տարազից կարելի էր հասկանալ՝ ամուսնացա՞ծ են, թե՞ ոչ, հարու՞ստ են, թե՞ այնքան էլ չէ:
